23-24 mart kunlari universiteta Belorus Respublikasi Veshelevskiy nomidagi Veterinariya eksperiment instituti professori M.P.Kuchinskiy va Minsk shahridagi «TM» ma’suliyati cheklangan jamiyati direktori S.Ye.Shurok hamda jamiyat moliya bo‘limi boshlig‘i V.Timoxovalardan iborat xorijiy mehmonlar tashrif buyurdi.

Tashrifdan maqsad - o‘zaro o‘quv va ilmiy sohalarda hamkorlik hamda birgalikda veterinariya preparatlarini ishlab chiqarish bo‘yicha kelishuvlarni amalga oshirishdan iborat. Dastlab mehmonlar universitetimiz rektori, professor X.B.Yunusov bilan uchrashib, o‘zaro hamkorlik doirasida kelishib olishdilar.

Shundan so‘ng mehmonlar universitetning farmakologiya va toksikologiya kafedrasida bo‘lib, kafedra xodimlari va veterinariya yo‘nalishi talabalari bilan uchrashdilar. Kafedra mudiri v.f.d., professor Yu.Salimov mehmonlarni kafedrada olib borilayotgan ishlar bilan tanishtirdi. Professor M.P.Kuchinskiy tomonidan veterinariya diagnostikasi va oziq-ovqat xavfsizligi fakulteti «Veterinariya sanitariya ekspertizasi» ta’lim yo‘nalishi 205-guruh talabalariga «Zamonaviy veterinariya preparatlarini tayyorlash texnologiyasi» bo‘yicha amaliy mashg‘ulot o‘tkazdi.

Shuningdek, M.P.Kuchinskiy kafedra professor-o‘qituvchilari va talabalarni hozirgi kunda Belorus respublikasida veterinariya sohasida olib borilayotgan ilmiy yangiliklar bilan tanishtirdi va berilgan savollarga javob berdi.

Axborot xizmati