Samarqand davlat veterinariya meditsinasi, chorvachilik va biotexnologiyalar universitetida Korrupsiyaga qarshi kurashish bo'yicha seminar tashkil etildi. Kun tartibiga kiritilgan masala Sohada korrupsiyaga qarshi kurashish va uning oldini-olish, manfaatlar toʻqnashuvi, korrupsiya omillarini keskin kamaytirish choralari haqida korrupsiyaga qarshi kurashish “Komplaens nazorat” tizimini boshqarish boʻlimi boshligʻi F.Turayev soʻzga chiqib, universitet va uning tizimidagi akademik litsey va texnikumlarda korrupsiya holatlarini barvaqt aniqlash va oldini-olish, ularning yuzaga kelish sababi va shart-sharoitlarini bartaraf etish, manfaatlar toʻqnashuviga yoʻl qoʻymaslik hamda korrupsiyaga nisbatan murossasiz munosabatni shakillantirish shuningdek, professor oʻqituvchilar va xodimlar orasida korrupsion holatlarga yoʻl qoʻymaslik borasidagi bayonoti tinglandi. 

Shundan soʻng, Oʻzbekiston Respublikasi veterinariya va chorvachilikni rivojlantirish qoʻmitasi Korrupsiyaga qarshi kurashish ichki nazorat boʻlimi boshligʻi K.Kariyev soʻzga chiqib, korrupsiyaga qarshi kurash Oʻzbekistonda davlat siyosatining eng ustuvor yoʻnalishiga aylanib borayotganligi, shuningdek, sohada korrupsiyaga qarshi kurashish borasida amalga oshirilayotgan ishlar, xodimlar tanlashda shaffoflikni taʼminlash zarurligi taʼkidlab oʻtildi. 2022-yil davomida korrupsiyaga qarshi kurash va uning oldini-olish, manfaatlar toʻqnashuvi, korrupsiyani keskin kamaytirish yuzasidan amalga oshirilgan ishlar haqida seminar ishtirokchilariga tanishtirildi. Korrupsiya - oʻzi nima, korrupsiyaning oqibati, Qoʻmitada korrupsiyaga qarshi kurash borasida amalga oshirilgan ishlar yuzasidan tayyorlangan videoroliklar namoyish etildi. Shuningdek, korrupsiyaga qoʻl urgan, pora bilan qoʻlga tushgan rahbarning panjara ortidagi afsus-nadomatlariga bagʻishlangan videorolik koʻrsatildi. 

Yigʻilish davomida, Oʻzbekiston Respublikasi veterinariya va chorvachilikni     rivojlantirish qoʻmitasi Korrupsiyaga qarshi ichki nazorat boʻlimi bosh mutaxassisi A.Qambarov, so‘zga chiqib, Oʻzbekiston Respublikasi Prezidentining 2017-yil 3-yanvardagi “Korrupsiyaga qarshi kurashish toʻgʻrisida”gi OʻRQ-419-sonli Qonunining qabul qilinishi va uning mazmun-mohiyati tanishtirildi, shuningdek, har qanday korrupsion huquqbuzarlikni oldini olish borasida aniq tushuntirish berildi hamda oldini olish va barvaqt bartaraf etish chora-tadbirlarini belgilash koʻrsatib oʻtdi. 

Shuningdek, sohada korrupsiya holati va manfaatlar toʻqnashuvi holatlari yuzaga kelgan taqdirda rahbar va mas’ul shaxslarga qonun doirasida jazo muqarrar ekanligi qayd etildi. Seminar davomida, K.Kariyiv, Oʻzbekiston Respublikasi Prezidentining 11.05.2022-yildagi “Davlat boshqaruv sohasida korrupsiyaviy xavf-xatarlarni bartaraf etish mexanizmlarini takomillashtirish va ushbu sohada jamoatchilik ishtirokini kengaytirish chora-tadbirlari toʻgʻrisida”gi PQ-240-son qarori asosida Yangi Oʻzbekiston sharoitida korrupsiyaviy omillarni aniqlash, baholash va bartaraf etish jarayonida tegishli sohalarni, shu jumladan, veterinariya va chorvachilikni rivojlantirishni raqamlashtirish va taʼsirchan jamoatchilik nazoratini yoʻlga qoʻyishga eʼtiborni yanada kuchaytirish belgilangan dep ta'kidlab o‘tdi. Shu bilan birga, Oʻzbekiston Respublikasi Vazirlar Mahkamasining 2017-yil 15-martdagi “Davlat veterinariya xizmati tizimida ruxsat etish xususiyatiga ega hujjatlarni berish tartib-taomillaridan oʻtish tartibi toʻgʻrisidagi nizomlarni tasdiqlash haqida”gi 139-sonli qarori bilan tasdiqlangan Nizomda nazarda tutilgan nazoratdagi tovarlarni import qilishda veterinariya hujjatlarini rasmiylashtirishda manfaatlar toʻqnashuviga yoʻl qoʻymaslik boʻyicha K.Kariyiv tomonidan tushunchalar berildi.

Shundan so‘ng, universitetning, Korrupsiyaga qarshi kurashish “Komplaens nazorat” tizimini boshqarish boʻlimi boshligʻi F.Turayev 2022-yil mobaynida universitetda korrupsiyaga qarshi kurashish borasida amalga oshirilgan ishlari yuzasidan hisoboti tinglandi. Universitetning korrupsion holatlar boʻyicha ariza va shikoyatlarni qabul qilish maqsadida Ishonch telefonlari +99891-592-11-11, +99899-594-10-16, elektron “https://ssuv.uz/uz/pages/view?slug=koruption” rasmiy sayt, hamda Savol va murojaatlar yuborish uchun SDVU_coruption-bot yaratilgan va hozirgi kunda muntazam ravishda faoliyat koʻrsatmoqda. 2022-yil davomida universitetga Oʻzbekiston Respublikasi Prezidentiga Ishonch telefoni, Veb-sayti orqali, Xalq qabulxonasi, Oliy va oʻrta maxsus taʻlim vazirligi, Veterinariya va chorvachilikni rivojlantirish qoʻmitasi orqali, Jismoniy va yuridik shaxslardan 172-ta, Korrusiyaga qarshi kurashish “Komplaens nazorat” tizimini boshqarish boʻlimiga 5-ta murojaat va arizalar kelib tushgan. Yuqorida ko‘rastib o‘tilgan shikoyat va arizalar universitetning mas’ul xodimlari tomonidan o‘rganib chiqilgan va murojaatchilarga amaldagi me’yoriy-huquqiy hujjatlar asosida tegishli tartibda javob berilgan. Universitetga ishga qabul qilish jarayonini shaffof amalga oshirish maqsadida tegishli kadrlar boʻyicha mutaxassis tomonidan mavjud vakant lavozimlar toʻgʻrisidagi maʼlumotlar “https://vacancy.uz” ochiq saytiga joylashtirilib kelinmoqda. Shu bilan birga universitetga ishga qabul qilinayotgan shaxslar bilan xizmat vazifasiga qoʻyiladigan asosiy majburiyatlar, talablar, tizimning korrupsiyaga qarshi kurashish siyosati, korrupsiyani oqibatlari va odob-axloq qoidalari mazmun-mohiyati boʻyicha tushuntirish ishlari olib borilmoqda. Universitetda ochiqlik va shaffoflikni taʼminlash maqsadida byudjet mablagʻlarining sarflanishi va davlat xaridlari boʻyicha maʼlumotlarni Oʻzbekiston Respublikasining xarid.uz saytiga hamda universitetning rasmiy veb saytiga joylashtirib muntazam yangilab borilmoqda.(https://ssuv.uz/uz/pages/view?slug=moliyaviy-hisobotlar ) 2022-yil davomida universitetda Davlat xaridlari yoʻnalishi boʻyicha, bundan 98-ta byudjet mablagʻlari shartnomalar, 134-ta kontrakt mablagʻlari shartnomalar va 10-ta RJ mablagʻlari shartnomalar tuzilgan boʻlib bu yerda manfaatlar toʻqnashuviga yoʻl qoʻyilmadi. Hisobot yuzasidan, K.Kariyevning tegishli fikr, mulohaza va takliflari eshitildi hamda berilgan savollarga huquqiy tushuntirishlar berildi.

Axborot xizmati