Joriy yilning 21-23-fevral kunlari Samarqand viloyati Jomboy tumanidagi "SOF EXPO SAMARKAND" ko'rgazmalar markazida "AGROPRO EXPRO-2023" (agrotexnologiyalar, qishloq xo'jaligi texnikalari, parrandachilik, standartlashtirish va sertifikatlashtirish sohalarida) xalqaro tarmoqlararo agrosanoat yarmarkasi boshlandi.

Universitetimiz olimlari va iqtidorli talabalari ham oʻzlarining innovatsion ishlanmalari bilan munosib ishtirok etishmoqda. Universitetimizda "Chorva mollari va parrandalar immun tizimini mustaxkamlovchi, kasalliklardan ximoyalovchi xamda reproduktiv faolligi va maxsuldorligini oshiruvchi oddiy xlorella (chlorella vulgares) o‘simligidan tabiiy dorivor biologik faol moddalar olish texnologiyasini yaratish” mavzusidagi amaliy loyixa va “Parranda va quyonlar kasalliklarini oldini oluvchi va davolovchi ekologik toza mahalliy probiotiklar yaratish” mavzusidagi innovatsion loyihalari o‘zining maxsulotlari bilan ishtirok etishayapti.

Universitetimiz talabalari "AGROPRO EXPRO-2023" agrosanoat ko'rgazmasida ishtirok etishga taklif etildi.

Talabalarimiz kelgusida fan va texnologiyalar taraqqiyotini takomillashtirishga xizmat qiladigan innovatsion loyihalarni amalga oshirish maqsadida ishlab chiqarish korxonalari, ilmiy-tadqiqot va ta'lim muassasalari tarmoqlaridagi boshqa sheriklar bilan hamkorlikni rivojlantirishga ijobiy ta'sir ko'rsatishiga umid bildiramiz.

"AGROPRO EXPRO-2023" agrosanoat yarmarkasida uch kun mobaynida Yevropa va Osiyo hamda mahalliy ishlab chiqaruvchilarning yetakchi kompaniyalari o'zlarining ilg'or qishloq xo'jaligi texnika va texnologiyalari bilan ishtirok etishmoqda.

Ilmiy-tadqiqotlar, innovatsiyalar va ilmiy-pedagog kadrlar tayyorlash bo'limi