Samarqand davlat veterinariya meditsinasi, chorvachilik va biotexnologiyalar universitetida “Iqlim o‘zgarishlari va dorivor o‘simliklar” kafedrasi haftaligi doirasida Ekomedia jamoasi tomonidan plogging ekologik aksiyasi tashkil etildi.

Aksiya Ekomedia jamoasi rahbarlari Ro‘zmetov Azizbek va Abduhafizova Feruza, hamda kafedra mas’ul professor-o‘qituvchisi Nurmurodov Do‘stmurod boshchiligida o‘tkazildi.

Tadbir davomida talabalar universitet hududini chiqindilardan tozalash, atrof-muhit ozodaligini ta’minlash va ekologik madaniyatni yuksaltirishga qaratilgan amaliy ishlarda faol ishtirok etdilar.
.jpg)
Plogging — jismoniy faollikni tabiatni asrash bilan uyg‘unlashtiruvchi ekologik tashabbus. Uning asosiy maqsadi — nafaqat hududlarni tozalash, balki jamiyatda ekologik mas’uliyat va ongli munosabatni shakllantirishdir.
Ekomedia — tabiat ovozi, bizning ovozimiz!