Samarqandda o‘tkazilayotgan FOODERA Expo–2026 xalqaro ko‘rgazma-festivali doirasida Samarqand davlat veterinariya meditsinasi, chorvachilik va biotexnologiyalar universiteti Ilmiy tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig‘i Shavkat Shernazarov “Ilm-fan — ta’lim — ishlab chiqarish hamkorligi” mavzusida ma’ruza qildi.

Ma’ruzada universitet va “Navobod naslli parranda” fermer xo‘jaligi o‘rtasidagi hamkorlik misolida ilmiy tadqiqotlarni ishlab chiqarish bilan integratsiyalash, dual ta’limni rivojlantirish hamda innovatsion ishlanmalarni amaliyotga joriy etish masalalari yoritildi.

Shuningdek, talabalarning amaliy ko‘nikmalarini shakllantirish, yosh tadqiqotchilarni ishlab chiqarish jarayonlariga jalb etish hamda parrandachilik sohasida ilmiy-amaliy hamkorlikni kengaytirish masalalariga alohida e’tibor qaratildi.