Samarqand davlat veterinariya meditsinasi, chorvachilik va biotexnologiyalar universiteti Xalqaro hamkorlik bo‘yicha prorektori O.Achilov va universitetning veterinariya klinikasi direktori J.Yulchiyevlar Xitoy Xalq Respublikasida bo‘lib o‘tayotgan “Xitoy–Markaziy Osiyo qoramol va mayda shoxli mollarning zoonoz kasalliklarini nazorat qilish” mavzusidagi xalqaro konferensiyada ishtirok etmoqdalar.

 Mazkur nufuzli ilmiy anjuman Henan Agricultural University bazasida tashkil etilgan bo‘lib, unda Xitoy va Markaziy Osiyo davlatlarining yetakchi olimlari, tadqiqotchilari, veterinariya sohasi mutaxassislari hamda xalqaro tashkilotlar vakillari qatnashmoqda.

Konferensiya doirasida zoonoz kasalliklarning oldini olish, diagnostikasi va nazorati, epizootik xavfsizlikni ta’minlash, zamonaviy laboratoriya tadqiqotlari, veterinariya sohasidagi innovatsion texnologiyalar hamda xalqaro ilmiy hamkorlikni rivojlantirish masalalari muhokama qilinmoqda.

 Tadbir universitetimiz vakillari uchun xorijiy hamkorlar bilan ilmiy aloqalarni mustahkamlash, ilg‘or tajribalarni o‘rganish va kelgusidagi qo‘shma ilmiy-tadqiqot loyihalarini yo‘lga qo‘yish borasida muhim imkoniyat yaratmoqda