Qingdao Agricultural University delegatsiyasi SamDVMCHBUga tashrif buyurib, universitet rektori, professor Xudaynazar Yunusov bilan uchrashuv o‘tkazdi

Samarqand davlat veterinariya meditsinasi, chorvachilik va biotexnologiyalar universitetiga Xitoy Xalq Respublikasining Qingdao Agricultural University delegatsiyasi tashrif buyurdi.

Tashrif doirasida delegatsiya a’zolari universitet faoliyati, xalqaro hamkorlik yo‘nalishlari, ta’lim va ilmiy salohiyat bilan yaqindan tanishdilar. 

Shuningdek, mehmonlar universitet rektori bilan uchrashuv o‘tkazib, o‘zaro manfaatli hamkorlikni yanada rivojlantirish, akademik almashinuv, ilmiy-tadqiqot ishlari hamda istiqboldagi qo‘shma loyihalar yuzasidan fikr almashdilar.

Mazkur uchrashuv ikki oliy ta’lim muassasasi o‘rtasidagi aloqalarni mustahkamlash va xalqaro hamkorlikni yangi bosqichga olib chiqishda muhim ahamiyat kasb etadi.