Oʻzbekiston–Polsha hamkorligi: oliy taʼlim va ilm-fanda yangi bosqich

2026-yil 13-aprel kuni Samarqand shahrida oʻtkazilayotgan “Markaziy Osiyo – Yevropa Ittifoqi universitetlari kongressi” doirasida Samarqand davlat veterinariya meditsinasi, chorvachilik va biotexnologiyalar universiteti Xalqaro hamkorlik boʻyicha prorektori O. Achilov ishtirok etdi.

Muloqotlar davomida Oʻzbekiston va Polsha oʻrtasida oliy taʼlim, ilm-fan va innovatsiyalar sohalaridagi hamkorlikning bugungi holati hamda uni yanada rivojlantirish istiqbollari atroflicha muhokama qilindi.

Xususan, Polshaning yetakchi oliy taʼlim muassasalari — Krakov va Vrotslav universitetlari bilan:

 universitetlararo aloqalarni kengaytirish
 qoʻshma taʼlim dasturlarini yoʻlga qoʻyish
 ilmiy tadqiqotlarni rivojlantirish
 akademik almashinuv dasturlarini faollashtirish
masalalariga alohida eʼtibor qaratildi.

 Ushbu uchrashuvlar universitetimizning xalqaro nufuzini mustahkamlash hamda global ilmiy-taʼlim makoniga integratsiyalashuv jarayonini jadallashtirishga xizmat qiladi.