“Yurt obodligi, avvalo, mahalladan boshlanadi”

Xabar berganimizdek, 13–14-mart kunlari yurtimiz bo‘ylab “Yurt obodligi, avvalo, mahalladan boshlanadi”  shiori ostida umumxalq xayriya hashari bo‘lib o‘tmoqda.

Bugungi xayrli tadbirda hududlarni obodonlashtirish, atrof-muhitni tozalash, daraxt va ko‘chatlarni oqlash, ijtimoiy obyektlar atrofini saranjomlash kabi ezgu ishlar amalga oshirilmoqda.

Samarqand davlat veterinariya meditsinasi, chorvachilik va biotexnologiyalar universiteti jamoasi ham mazkur hashar jarayonlarida faol ishtirok etmoqda. Zero, hashar – xalqimizning qadimiy hamjihatlik, mehr-oqibat va bir-biriga ko‘mak berish an’analarining amaliy ifodasidir.

Ozodalik, poklik, saranjomlik yurtimizni yanada obod va fayzli, ko‘rkam qiluvchi jihatlardan. Bunda xalqimizning yillar davomida shakllangan ezgu qadriyati – hashar muhim o‘rin tutadi.

Keling, birgalikda yurtimizni yanada obod va fayzli qilishga o‘z hissamizni qo‘shaylik!