Joriy yilning 24-fevral kuni Samarqand davlat veterinariya meditsinasi, chorvachilik va biotexnologiyalar universiteti "Komplayens nazorat" tizimini boshqarish bo‘limi boshlig'i F.Turayev hamda Iqtisodiyot fakulteti dekani A.Alikulov hamkorligida fakultetning 3-bosqich 301-306-guruh talabalari o'rtasida “Biz yoshlar korrupsiyaga yoʻq deymiz” mavzusiga bag'ishlangan davra suhbati tashkil qilindi.

  Maqsad - yoshlar ongida halollik va mas’uliyat tamoyillarini mustahkamlash, korrupsiyaga qarshi madaniyatni kuchaytirish.

  Davra suhbatida talabalarning korrupsiyaga nisbatan qat’iy munosabati, halol mehnat va adolatning jamiyat taraqqiyotidagi o‘rni haqida mazmunli suhbatlar qilindi.Talaba-yoshlar korrupsiyaning har qanday ko‘rinishiga “yo‘q” deyishga, faol fuqarolik mas’uliyatini his qilishga chaqirildi.