SamDVMCHBU rektori, professor Xudaynazar Yunusovning Biotexnologiya va ekologiya fakulteti professor-o‘qituvchilari hamda talaba-yoshlari bilan ochiq muloqot uchrashuvi bo‘lib o‘tdi.

Uchrashuv davomida rektor mutaxassisliklarning jamiyatdagi o‘rni va ahamiyati, mamlakatimiz aholisini sifatli oziq-ovqat mahsulotlari bilan ta’minlashdagi mas’uliyati haqida atroflicha fikr bildirdi. Shuningdek, talabalarga chuqur bilim olish, amaliy tajribani oshirish, xorijiy tillarni o‘rganish va zamonaviy ilm-fan yutuqlaridan samarali foydalanish zarurligini ta’kidladi.

Ochiq va samimiy ruhda o‘tgan muloqotda talabalar o‘zlarini qiziqtirgan savollarni berib, taklif va tashabbuslarini bildirishdi. Rektor tomonidan barcha murojaatlarga batafsil javob berildi.