Bugungi kunda yurtimiz taraqqiyoti, jamiyat barqarorligi va xalq farovonligiga eng katta to‘siqlardan biri – bu korrupsiyadir. Biz, yangi avlod vakillari, kelajak egalari sifatida bu illatga qat’iy ravishda “yo‘q!” deymiz. Chunki korrupsiya rivojlanishimizga, adolatga va halollik tamoyillariga ziddir.

  Yoshlar sifatida bizning vazifamiz – halol mehnatni qadrlash, qonunlarga hurmat bilan qarash va har bir ishda mas’uliyatli bo‘lishdir. Korrupsiyaga qarshi kurash — nafaqat davlat organlarining, balki har birimizning fuqarolik burchimizdir. Shuning uchun biz o‘z atrofimizda ham halollik muhitini shakllantirishga, boshqalarni ham to‘g‘ri yo‘lga chorlashga intilamiz.
   Korrupsiyasiz jamiyat – bu adolat hukmron bo‘lgan jamiyat. Bunday jamiyatni esa aynan biz – ongli, faol va vatanparvar yoshlar barpo etamiz.
Shiorimiz aniq: “Korrupsiyaga qarshi kurash – bizning kelajagimiz uchun kurash!”