SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETIDA YOSHLAR YETAKCHILARINING HISOBOT-SAYLOV YIG‘ILISHI BO‘LIB O‘TDI.
Yig‘ilishda O‘zbekiston Yoshlar ittifoqi Samarqand viloyat kengashi raisi X. Meliyev, universitet Yoshlar masalalari va ma’naviy-ma’rifiy ishlar bo‘yicha birinchi prorektor A. Gapparov, boshlang‘ich tashkilot koordinatorlari hamda faol talabalar ishtirok etdi.
Tadbir davomida yo‘nalish va fakultet yetakchilari o‘z faoliyati yuzasidan hisobot berdi, amalga oshirilgan loyihalar, erishilgan natijalar va kelajakdagi rejalari yuzasidan taqdimotlar talaba-yoshlar e’tiboriga havola etildi. Yangi koordinatorlar tarkibi yangi g‘oyalar va talabalik hayotini yanada boyitishga qaratilgan ezgu maqsadlar bilan yo‘g‘rilgan.
Tadbir yakunida jamoa e’tirofi va mas’uliyat timsoli sifatida "Ishonch yorliqlari" tantanali topshirildi.
