2025-YIL 5-OKTABR KUNI SAMDVMCHBU AKADEMIK LITSEYIDA 7 – 8-SINF O‘QUVCHILARI O‘RTASIDA “IQTIDORLILAR FAN OLIMPIADASI” BO‘LIB O‘TDI.
Olimpiada kimyo, biologiya, fizika va matematika fanlari yo‘nalishida o‘tkazilib, unda Samarqand shahridagi 84 ta maktabdan o‘quvchilar ishtirok etdilar.
Bellashuvlar jarayonida o‘quvchilar o‘z bilim, iqtidor va tafakkur salohiyatini namoyon etishdi. Natijada, har bir fandan 5 nafardan g‘olib aniqlanib, ular to‘rt yil davomida respublika va xalqaro fan olimpiadalariga bepul tayyorlanish imkoniyatini qo‘lga kiritdilar.
Jami 20 nafar iqtidorli o‘quvchilar SamDVMCHBU rektori, professor Xudaynazar Yunusov va litsey ma'muriyati tomonidan faxriy yorliq va esdalik sovg‘alari bilan taqdirlandi.
Mazkur olimpiada yoshlarning ilmga bo‘lgan qiziqishini oshirish, iqtidorlarni erta aniqlash va ularni yirik ilmiy musobaqalarga tayyorlashda muhim ahamiyat kasb etdi.
