Qishloq xo‘jaligi vazirligi hamda Italiyaning Tusha universiteti hamkorligida e’lon qilingan magistratura uchun maxsus stipendiya dasturi orqali universitetimizning “Veterinariya diagnostikasi va oziq-ovqat xavfsizligi” fakulteti bitiruvchisi Abdujabborov Yorqin Asliddin oʻgʻli nufuzli Tusha universitetining “Plant Biotechnology for Food and Global Health” magistrlik dasturida tahsil olish uchun yuborilmoqda.

     Universitet rektori,  professor X.B. Yunusov talabani samimiy tabriklab, unga kelgusida yuksak muvaffaqiyatlar tiladi. Suhbat davomida yevropaning yetakchi oliy ta’lim muassasalari bilan hamkorlikni yanada rivojlantirish masalalari muhokama qilinib, tegishli vazifalar belgilab berildi.

     Shuningdek, talabamiz kelajakda Vatanimizga qaytib, veterinariya va qishloq xo‘jaligi sohasida samarali faoliyat yuritishi rejalashtirilgan.