Bugun universitet “Madaniyat saroyi”da SamDVMCHBU rektori, professor Xudaynazar Yunusovning Veterinariya profilaktikasi va davolash, Veterinariya diagnostikasi va oziq-ovqat xavfsizligi hamda Chorvachilik va texnologiyalar fakultetlarining 1-bosqich talabalari bilan ochiq muloqot uchrashuvi bo‘lib o‘tdi.

    Ochiq va samimiy ruhda o‘tgan uchrashuvda Rektor universitetdagi mutaxassisliklarining jamiyatdagi o‘rni, mamlakatimiz xalqini sifatli oziq-ovqat bilan ta’minlashdagi roli va mas’uliyatiga to‘xtalib, talabalarga o‘z sohasining yetuk mutaxassislari bo‘lib yetishishida nimalarga e’tibor qaratish lozimligini aytib o‘tdi.

    Bunday uchrashuvlar nafaqat talabalarning muammolarini hal qilishda, balki o‘zaro hamkorlikni mustahkamlashda muhim o‘rin tutishini ta’kidlab, talabalar tomonidan berilgan taklif va savollarga batafsil javob berdi.