SamDVMCHBU Biotexnologiya va ekologiya fakulteti Biotexnologiya yo‘nalishi talabalari universitet huzuridagi IN VITRO ilmiy-amaliy laboratoriyasiga tashrif buyurishdi.

   Tashrif davomida talabalar laboratoriya jihozlari, ilmiy-uslubiy yo‘nalishlari va amaliy tadqiqot jarayonlari bilan yaqindan tanishdilar. Mutaxassislar tomonidan o‘tkazilgan taqdimot va amaliy ko‘rsatmalar talabalar bilimini yanada boyitib, ilmiy izlanishlarga qiziqishini oshirdi.

    Tadbirning maqsadi — talabalarni zamonaviy ilmiy infratuzilma, amaliy usullar va laboratoriya imkoniyatlari bilan tanishtirish, kelgusida ilmiy tadqiqotlarga jalb etish va amaliy ko‘nikmalarni mustahkamlashdan iborat edi.

    Tanishuv davomida talabalarga xavfsizlik va etik talablar haqida umumiy ma'lumot berildi. Bu tashrif talabalarning nazariy bilimlarini amaliyot bilan uyg‘unlashtirishda muhim qadam bo‘ldi.