QO'SHMA TA'LIM
2025/2026-o‘quv yili uchun Belarus Respublikasi – Vitebsk davlat veterinariya meditsinasi akademiyasi va Samarqand davlat veterinariya meditsinasi, chorvachilik va biotexnologiyalar universiteti hamkorligida tashkil etilgan Qo‘shma ta’lim dasturiga ariza topshirgan abituriyentlar uchun belgilangan imtihon jarayonlari muvaffaqiyatli o‘tkazildi.
Ushbu jarayon malakali va tajribali professor-o‘qituvchilar tomonidan yuqori saviyada tashkil etildi hamda abituriyentlarning bilim va salohiyatini xolisona baholashga qaratildi.
Qo‘shma ta’lim dasturi doirasidagi imtihonlar ikki tomonlama hamkorlik munosabatlarini mustahkamlash, ta’lim sifatini yuksaltirish va yoshlarni xalqaro standartlarga mos yuqori malakali kadrlar sifatida tayyorlashda muhim qadam bo‘lib xizmat qiladi.