Universitet delegatsiyasi Janubiy Koreyaning veterinariya dori vositalarini ishlab chiqarishga ixtisoslashgan yetakchi kompaniyalaridan biri — “EAGLE VET” rahbariyati bilan uchrashuv o‘tkazdi hamda kompaniya faoliyati bilan yaqindan tanishdi.
Tashrif davomida kompaniyaning ishlab chiqarish jarayoni, 150 dan ortiq turdagi veterinariya preparatlari, ularning qadoqlanishi va sifat nazorati bo‘yicha laboratoriya faoliyati bo‘yicha atroflicha ma’lumot berildi. Delegatsiya ishlab chiqarish sexlari va texnologik liniyalarni joyida ko‘zdan kechirdi.
Uchrashuv yakunida tomonlar “EAGLE VET” kompaniyasining ayrim mahsulotlarini universitet brendi ostida ishlab chiqarishni yo‘lga qo‘yish bo‘yicha kelishuvga erishdilar.