Koreya Respublikasining “Korea Bentonite” qoʻshma korxonasi vakillari – doktor Jey Rhee hamda Dong-Hyon Shin Samarqand davlat veterinariya meditsinasi, chorvachilik va biotexnologiyalar universitetiga xalqaro hamkorlik doirasida rasmiy tashrif buyurishdi.

    Tashrif davomida Koreya texnologiyalari asosida ishlab chiqarilgan zamonaviy veterinariya preparatlarini Oʻzbekiston hududida sinovdan oʻtkazish, ularni mahalliy sharoitlarga moslashtirish va kelgusida ishlab chiqarishni yo‘lga qo‘yish borasida hamkorlik masalalari muhokama qilindi.

    Kongju Milliy Universiteti  hamda universitetimiz oʻrtasida ikki diplomli (2+2) qo‘shma ta’lim dasturlarini yo‘lga qo‘yish, ilmiy-tadqiqot va innovatsion loyihalarni amalga oshirish, mutaxassislar almashinuvi va malaka oshirish dasturlarini joriy etish yuzasidan kelishuvlarga erishildi.

     Uchrashuv yakunida Kongju Milliy Universiteti bilan memorandum va shartnoma imzolandi.