Universitet akademik litseyida o‘tgan uchrashuv oldidan rektor X.Yunusov ta’lim-tarbiya jarayonlari, ularning vatanparvarlik ruhini yuksaltirish, tizim uchun munosib kadrlar etib tayyorlash borasida amalga oshirilayotgan ishlar bilan yaqindan tanishdi.

    Shundan so‘ng yoshlar bilan ochiq muloqot tashkil qilindi. Rektor mamlakatimiz hayotida ro‘y berayotgan ulkan o‘zgarishlar, muhtaram Prezidentimiz boshchiligida amalga oshirilayotgan keng qamrovli islohotlar, yurtimiz yoshlari uchun yaratilayotgan keng imkoniyatlarga to‘xtaldi.

    Bugungi murakkab davrda yoshlar ta’lim-tarbiyasi eng muhim vazifa ekanligini ta’kidlab, o‘quvchilarni zamonaviy bilimlarni puxta egallashga, tanlagan kasbining yetuk mutaxassisi bo‘lishga, mamlakatimiz hayotiga daxldorlik hissi bilan yashashga chaqirdi.

    Shuningdek, akademik litseyda ta’lim sifati, fan to‘garaklarining tashkil etilishi va unda o‘quvchilarning qanchalik ishtirok etayotganligi, litsey o‘quvchilarini fan olimpiadalarida sovrinli o‘rinlarni olishlari uchun tayyorlash borasida amalga oshirilayotgan ishlarni yanada kuchaytirish, ularning kelgusida oliy ta’lim muassasalariga o‘qishga kirish ko‘rsatkichlarini yaxshilash bo‘yicha o‘z tavsiyalarini berdi.

    Ochiq va samimiy muloqot tarzida o‘tgan uchrashuv chog‘ida o‘quvchilar o‘zlarini qiziqtirgan savollarga javob oldi. Ishtirokchilar tomonidan litsey faoliyati va ta’lim jarayoni takomillashtirish borasida qator takliflar o‘rtaga tashlandi.

    Universitet rektori uchrashuv so‘ngida litsey o‘quvchilariga o‘qish va ishlarida muvaffaqiyatlar tiladi.

    Shuningdek, tadbir davomida Milliy qadriyatlar sayli doirasida universitetning "Rahbariyat", "Ustoz", Samarqand veterinariya medisinasi texnikumining "Renesans", akademik litseyning " Afrosiyob" va "Registon" jamoalari o‘rtasida "Zakovat" intellektual o‘yinlari va sport musobaqalari o‘tkazildi.

    “Zakovat” intellektual o‘yida universitetning “Rahbariyat” jamoasi g‘olib bo‘lib, estalik sovg‘alari bilan taqdirlandi.