Universitetimiz rektori Osiyo taraqqiyot banki (OTB) ishtirokida “Chorvachilik sohasida qo‘shilgan qiymat zanjirini yaratishni rivojlantirish” loyihasi doirasida veterinariya mutaxassislari uchun barqaror uzluksiz ta’lim dasturini amalga oshirish maqsadida xorijiy konsultantlar sifatida tashrif buyurgan “OPERA S.r.I” (Italiya) va “Aykan-Invest” MCHJ (O‘zbekiston) qo‘shma korxonasi vakillari Dr. Sevil Erdenliğ (Harran universiteti professori) va Gundega Mičule (Latviya veterinariya assotsiatsiyasining ta’lim qo‘mitasi rahbari) lar bilan uchrashdi.

    Xorijiy mutaxassislar yaratib berilgan imkoniyatlar va qo'llab quvvatlaganliklari uchun universitetimiz rektoriga o'z minnadorchiliklarini bildirishdi. O'zaro muloqotda universitetimizning nufuzi, yaratilgan imkoniyatlar va xorijda tutgan o'rnini yuqori baholashdi.

    Yakunda Harran universiteti bilan ko'p tomonlama aloqalarni o'rnatish xususan bakalavr, magistr va doktorantlarni Turkiyada o'qishini tashkil etish, birgalikda ilmiy-tadqiqotlar va loyihalarni amalga oshirish maqsadida o'zaro kelishuv memorandumi imzolandi.
Ushbu xujjat kelgusida ikki universitet o'rtasida amalaga oshiriladigan hamkorlik uchun huquqiy asos bo‘lib xizmat qilishiga ishonch bildirildi.