RESPUBLIKA YOSHLAR FORUMI ISHTIROKCHILARI MUNOSIB KUTIB OLINMOQDA
Respublika yoshlar forumi ishtirokchilari munosib kutib olinmoqda
Bugun Samarqand davlat veterinariya meditsinasi, chorvachilik va biotexnologiyalar universiteti Nukus filialida katta hayajon va ko‘tarinki kayfiyat hukm surmoqda. 2-4-aprel kunlari bo‘lib o‘tadigan Respublika yoshlar forumi ishtirokchilari shahrimizga yetib keldi. Ayni damda O‘zbekiston Respublikasi Veterinariya va chorvachilikni rivojlantirish qo‘mitasi tizimidagi turli taʼlim muassasalaridan tashrif buyurgan hurmatli mehmonlar, professor-o‘qituvchilar hamda iqtidorli o‘quvchi va talaba-yoshlar katta ehtirom bilan kutib olinmoqda. Mazkur forum mamlakatimiz yoshlarining ilmiy va kasbiy rivojiga o‘ziga xos turtki beradigan muhim tadbirlardan biri bo‘lib, unda yoshlar o‘z bilim va tajribalarini oshirish, yangi g‘oyalar bilan bo‘lishish hamda o‘z sohasi mutaxassislari bilan yaqindan tanishish imkoniyatiga ega bo‘ladilar. Hurmatli mehmonlar, sizlarni mehmondo‘st Qoraqalpog‘iston zaminida chin dildan qutlaymiz!
Xush kelibsiz!