"YASHIL MAKON" LOYIHASI DAVOM ETMOQDA!
22-mart, Samarqand davlat veterinariya meditsinasi, chorvachilik va biotexnologiyalar universiteti jamoasi "Yashil makon" umummilliy loyihasi doirasida obodonlashtirish va ko‘kalamzorlashtirish ishlarini davom ettirdi.
Zooinjeneriya va mahsulotlarni qayta ishlash texnologiyasi fakulteti professor-o‘qituvchilari Oqdaryo tumanidagi universitet o‘quv tajriba maydoniga 400 tupga yaqin Kaliforniya terak ko‘chatlarini ekib, atrof-muhitni yanada go‘zallashtirishga o‘z hissalarini qo‘shdilar.
Yashil hududlarni kengaytirish – kelajak avlod uchun barqaror muhit yaratish demak! Ko‘chatlarni parvarishlash ishlari davom etmoqda.
Tabiatni asrash yo‘lida barchani faol ishtirok etishga chorlaymiz!