“15-май – Халқаро оила куни”га бағишланган “Фаровон оила сари” ғояси остида Самарқанд давлат ветеринария медицинаси, чорвачилик ва биотехнологиялар университетида “Оила - муқаддас ва улуғ даргоҳ” мавзусида давра суҳбати ўтказилди. Унверситет ректори Юнусов Х.Б. тадбирни кириш сўзи билан очиб берди.   Оила куни  БМТ Бош Ассамблеяси томонидан 1993 йил 20 сентябрдаги Халқаро оила йили тўғрисидаги резолюцияга мувофиқ 1994 йилнинг 15 майидан мунтазам равишда кенг нишонланади.   

Тадбирни университет Хотин-қизлар маслаҳат Кенгаши раиси, ректор маслаҳатчиси Ж.Б.Сайфудинова олиб борди.

 Оилавий муносабатларнинг ҳуқуқий асослари ва оила институтини янада такомиллаштиришдаги янгиликлар хусусида вилоят Адлия бошгқармаси бош маслаҳатчиси Н.Б.Мирмухаммедова маъруза қилди.

 Ёш оила ва ундаги муносабатларнинг муҳим жиҳатлари хусусида хаётий мисоллар асосида Самарқанд шаҳар 1-сон ФХДЁ мудираси И.М.Бобоқулова маъруза қилди.

Шунингдек, ЎзЛиДеП вилоят Кенгаши бўлим мудири М.Т.Чулиева “Фаровон оила” партиявий лойиҳанинг мақсад, вазифалари тўғрисида тушунча берди ҳамда хотин-қизларни тайзиқ ва зўравонликдан ҳимоя қилиш тарғибот материалларини талаба-ёшларга тақдим этди.

 Университет психологи О.Н.Гуломмамедова оилавий муносабатларнинг ижобий ва салбий жиҳатларини талаба-ёшларга қизиқарли  психологик тренингларда тушунтириб берди.

        Университет талабаларининг “Хумо” театр студияси талаба келин ҳаётига бағишланган саҳна кўринишни тақдим этди.