UNIVERSITETDA VATAN HIMOYACHILARI KUNI BAYRAMI KO‘TARINKI RUHDA O‘TKAZILDI
SamDVMCHBU O‘zbekiston Respublikasi Qurolli Kuchlari tashkil etilganligining 33 yilligi hamda 14-yanvar – “Vatan himoyachilari kuni” munosabati bilan universitet “Madaniyat saroyi”da bayram tadbiri tashkil etildi.
Universitet rektori, professor X.Yunusov bayram tadbirini ochib berib, xalqimiz, davlatimiz, ona yurtimiz hayotidagi g‘oyat muhim va qutlug‘ voqea – “Vatan himoyachilari kuni” va Qurolli Kuchlarimiz tashkil etilganligining 33 yilligi bayrami bilan samimiy tabriklab, “Vatan himoyachilari kuni” bayrami bizning hayotimizda alohida o‘rin tutishini ta’kidlab, bugungi kunda milliy armiyamiz ming-minglab o‘g‘lonlarimiz uchun chinakam mardlik, fidoyilik maktabiga aylanganini ta’kidladi va barchani bayram bilan tabrikladi.
Shuningdek, Rektor
O‘zbekiston Respublikasi Veterinariya va chorvachilikni rivojlantirish
Qo‘mitasi raisi Bahrom Norqobilovning universitet jamoasiga yo‘llagan bayram
tabrigini o‘qib eshittirdi.
Tadbir davomida bir guruh professor-o‘qituvchilar hamda yuqori natijalarga erishib, tengdoshlariga o‘rnak bo‘layotgan, nomdor davlat stipendiyantlari bo‘lgan talabalar universitet rektori tomonidan munosib taqdirlandi.
Universitetning
iqtidorli va ijodkor talabalari tomonidan tayyorlangan Vatanni, Milliy
armiyamizni va yurt posbonlarini ulug‘lovchi kuy-qo‘shiqlar va
teatrlashtirilgan tomoshalar bayramning yanada ko‘tarinki ruhda o‘tishini
ta’minladi.
