SAMDVMCHBUDA 8-DEKABR - KONSTITUTSIYA KUNI VA QISHLOQ XO‘JALIGI XODIMLARI KUNI KENG NISHONLANDI
O‘zbekiston Respublikasi
Konstitutsiyasi qabul qilinganligining 32 yilligi hamda “Qishloq xo‘jaligi
xodimlari kuni” munosabati bilan barcha hududlarda bo‘lgani kabi Samarqand
davlat veterinariya medisinasi, chorvachilik va biotexnologiyalar
universitetida ham ma’naviy-ma’rifiy tadbirlar tashkil etildi.
O‘zbekiston
Respublikasi Konstitutsiyasining 32 yilligi hamda “Qishloq xo‘jaligi xodimlari
kuni”ga bag‘ishlangan tadbirda universitet rektori, professor Xudaynazar
Yunusov yangi tahrirdagi Konstitutsiyamiz asosida mamlakatimizda amalga
oshirilayotgan islohotlar inson manfaatlariga qaratilganini, shuningdek qishloq
xo‘jaligining chorvachilik tarmog‘i uchun malakali mutaxassislar tayyorlab
beradigan oliy ta’lim muassasasi sifatida universitet olimlari, ilmiy
tadqiqotchilar, qolaversa talabalar zimmasida ulkan mas’uliyat borligini
ta’kidlab, barchani bayram bilan tabrikladi.
Shuningdek, O‘zbekiston Respublikasi Veterinariya va chorvachilikni rivojlantirish qo‘mitasi raisi Bahrom Norqobilovning universitet jamoasiga O‘zbekiston Respublikasi Konstitutsiyasi qabul qilinganligining 32 yilligi hamda Qishloq xo‘jaligi xodimlari kuni munosabati bilan yo‘llagan bayram tabrigini o‘qib eshittirdi.
Tadbir davomida Qishloq xo‘jaligi sohasi, veterinariya, chorvachilik va biotexnologiyalar yo‘nalishida sifatli ta’lim jarayonini tashkil etishga, talaba-yoshlarning har tomonlama komil inson bo‘lib yetishishida qo‘shayotgan hissasi va samarali mehnatlari uchun bir guruh soha xodimlari va professor-o‘qituvchilar “O‘zbekiston Respublikasi veterinariya fidoyisi” ko‘krak nishoni, Veterinariya va chorvachilikni rivojlantirish qo‘mitasi raisining Faxriy yorlig‘i hamda Universitet rektorining Faxriy yorlig‘i va esdalik sovg‘alari bilan taqdirlandi.
Universitet
iqtidorli talaba-yoshlarining badiiy chiqishlari esa tadbirning yanada ko‘tarinki
kayfiyatda o‘tishini ta’minladi.