Universitetda talabalarda tashabbuskorlik, fidoyilik fazilatlari va jamoatchilik qobiliyatini qaror toptirish, o‘z kasbini sevish, ilm-fanga ishtiyoq va yurt kelajagiga dahldorlik tuyg‘ularini yuksaltirish, talabalik nufuzini oshirish maqsadida talabalar o‘rtasida “Yil talabasi” ko‘rik tanlovi o‘tkazildi. 
Biz ham talaba bo‘lganmiz, ammo talaba-yoshlar uchun bugungidek imkoniyatlar yo‘q edi, - dedi tanlovning ochilish marosimida ishtirok etgan universitet rektori, professor X.Yunusov. – Talabalarimiz erishayotgan yutuqlar, albatta, bizni quvontiradi. Ammo bundan-da ulkan muvaffaqiyatlar sari intilib, dunyoga bo‘ylashishimiz kerak. Maqsadimiz, talaba-yoshlarimiz ajdodlarimizga munosib voris bo‘lib, ulardek ilm-fanda yuksak marralarni zabt etsin. 
"Yil talabasi" tanlovining universitet bosqichida talabalar yetti nominatsiya bo‘yicha ishtirok etishdi.