Belarus Respublikasining Vitebsk "Hurmat belgisi" ordenli Veterinariya akademiyasida joriy yilning 9-fevral sanasida G'ulomjon Kamoliddinov tashabbuslari bilan buyuk shoir, mutafakkir, jahon adabiyotining yetuk siymolaridan biri, davlat arbobi, faylasuf Nizomiddin Mir Alisher Navoiyning 582- yilligi hamda shoir va olim, mashhur davlat arbobi Zahiriddin Muhammad Bobur tavalludining 540 yilligi munosabati bilan "shoirlarning izdoshlari" mavzusida tadbir tashkil qilindi. Tadbirga O'zbekiston Respublikasining Belarus Respublikasidagi elchixonasi xodimlari – Abdullayev Azimjon Aliyevich hamda Vahabov Xojiakbar Juratovichlar tashrif buyurishdi.

Tadbirda Akademiya rektori Gavrichenko N. I. va Akademiyaning birinchi prorektori D. N. Fedotov, hamda Xalqaro munosabatlar bo'yicha Akademiyada ta'lim olayotgan dunyoning barcha davlatlaridan tashrif buyurib o'qiyotgan talabalar dekani A. V. Solovyov hamda Bellarusiya Respublikasining barcha universitetlarida ta'lim olayotgan bakavriant va magistratura bosqichidagi talabalar ishtirok etishdi.

Tadbirni Akademiya rektori Gavrichenko kirish so'zi bilan ochib berib, talabalarning o'qish va ilmiy ishlariga omadlar tiladi.

Akademiya rektori 2023-yilning 21-mart kuni akademiya negizida bo'lib o'tadigan Navro'z Xalqaro umumxalq bayram tadbirini hamkorlikda o'tkazish maqsadida faxriy mehmonlarga taklifnomalar topshirib, so'z navbatini elchixona xodimlariga berdi. Azimjon Abdullayev tomonidan Alisher Navoiy hamda Zahriddin Muhammad Boburning hayoti va ijodi bo'yicha qisqacha ma'lumotlar berib o'tildi.

O'zbekistonlik talabalarni har yili nishonlanayotgan Navro'z umumxalq bayramida faol qatnashishlarini ta'minlash ya'ni talabalarning bayramga O'zbekona tarzda tayyorgarlik ko'rishlari shu jumladan milliy taomlarni tayyorlanishi uchun sharoitlarni yaratilib berilishi hamda talaba yoshlar tomonidan sahna ko'rinishlari va kuy qo'shiq ijro etilishi yuzasidan elchixona xodimlar bilan Akademiya rahbariyati bayramni ko'tarinki kayfiyatda o'tkazilishi maqsadida O'zbekistonlik barcha talaba yoshlarni faol qatnashishi bo'yicha fikr mulohazalar almashinildi.

Tadbir davomida iqtidorli talabalar tomonidan Zahiriddin Muhammad bobur va Alisher Navoiyning hayoti va ijodi bo'yicha tagdimotlar Rus-tilida o'tkazildi va g'azal va ruboiylari o'qildi. Tadbir yakunida elchixona xodimlari tomonidan Belarusiya Respublikasi hududida talabalar o'rtasida huquqbuzarliklarning oldini olish bo'yicha tushunchalar berilib o'tildi. O'zbekiston Respublikasida oliy ta'lim dargohlarida ta'lim olayotgan talaba yoshlarning oliygohda ko'rsatilgan tartib qoidalariga qanday amal qilsa , sizlar ham shunday tartibda o'qishingiz kerak deb, ta'kidlab tadbirni yakunladilar.

G'ulomjon Kamoliddinov

AXBOROT XIZMATI