Muhtaram Prezidentimiz Sh.M.Mirziyoyev tomonidan ilgari surilgan Besh tashabbus doirasida Samarqand davlat veterinariya meditsinasi, chorvachilik va biotexnologiyalar universiteti talabalar turar joyida universitet Ma'naviyat va ma'rifat bo'limi qoshida tashkil etilgan klublar, to'garaklar taqdimoti namoyish etildi. Tadbirni universitet rektori X.B.Yunusov ochib berdi va yo'nalishlar doirasida tashkil etilgan tadbirlarda shaxsan o'zi ishtirok etib, talabalar bilan samimiy muloqotda bo'ldi.

Besh tashabbusning 1-yo'nalishi doirasida musiqaga oshno qalb sohib va sohibalari ishtirokida turli cholg'u asboblarida kuylar yangradi va tinglandi hamda rassomchilik qobiliyatlari namoyon etildi.

2-yo'nalishi doirasida ishtiyoqi baland, zabardast o'g'il-qizlarning jismoniy chiniqishlari, ularning sport sohasida qobiliyatini namoyish qilishlari uchun tashkil etilgan turli sport to'garaklari, musobaqalar bo'lib o'tdi.

4-yo'nalish doirasida bilimga chanqoq, kitobxon do'stlarimiz bilan "Notiqlik san'ati", "Mutolaa zavqi" "Zakovat" tanlovlari zukko va zakovatli talabalarimizning bilimlarini namoyon ayladi.

5-yo'nalish doirasida talaba-qizlarimizning ijodkorlik qobiliyatlari, karving san'ati, to'qimachilik, pazandachilik, mehmon kutish kabi fazilatlari sinaldi. Bu kabi loyihalar har bitta yoshda mamlakatimizda, universitetimizda amalga oshirilayotgan islohotlarga nisbatan dahldorlik hissini kuchayishida muhim mezon bo'lib xizmat qiladi deb ishonamiz.