Tadqiqot sohalari

• Buxgalteriya hisobi
• Iqtisodiy tahlil
• Audit

Shaxsiy ma’lumotlar

Abdimo‘min Alikulov – 1983-yilda Samarqand qishloq xo‘jaligi institutini tamomlagan. 1993-yilda nomzodlik, 2012-yilda doktorlik dissertatsiyalarini himoya qilgan. 1996-yildan dotsent, 2023 yildan professor lavozimida faoliyat olib bormoqda.

Ilmiy tadqiqot natijalari asosida 3 ta monografiya, 150 dan ortiq ilmiy maqolalar chop ettirgan. O‘quv-uslubiy sohada 3 ta darslik, 5 ta o‘quv qo‘llanma va 100 dan ortiq uslubiy ko‘rsatma va qo‘llanmalar muallifi. 2010 yilda “Eng yaxshi darslik va o‘quv qo‘llanmalar muallifi” Respublika tanlovining sovrindori. 2 nafar fan doktoriga (PhD), 24 nafar magistrlik dissertatsiyasiga, 3 nafar nomdor stipendiatga, 8 nafar fan olimpiadasi g‘oliblariga rahbarlik qilgan.

A.I.Alikulovning asosiy ilmiy-tadqiqot yo‘nalishlari agrar sektor korxonalarida ishlab chiqarish xarajatlari hisobi, mahsulot tannarxini hisoblash, xarajatlar va tannarx tahlili hamda auditiga bag‘ishlangan. Hozirgi kunda qishloq xo‘jalik korxonalarida, jumladan agroklasterlarda boshqaruv va moliyaviy hisobni takomillashtirish hamda agrar sektordagi xo‘jalik yurituvchi subyektlarda moliyaviy hisobotni moliyaviy hisobotning xalqaro standartlari asosida tuzish muammolariga bag‘ishlangan.

 Hozirgi kunda dars berish bilan birga, 5 nafar ilmiy-tadqiqotchining doktorlik dissertatsiyasiga rahbarlik qilmoqda. Agroklasterlarda buxgalteriya hisobi va moliyaviy hisobotlarni xalqaro standartlarga transformatsiyasi, iqtisodiy tahlil va auditning dolzarb muammolari bo‘yicha ilmiy tadqiqotlar olib bormoqda. Shuningdek, talaba yoshlarni ilmiy tadqiqotlarga jalb qilish, ilmiy to‘garaklar samaradorligini ta’minlash, Respublika va xalqaro loyihalar ko‘lamini oshirish, yetarchi xorijiy va mahalliy oliy o‘quv yurtlari bilan hamkorlikni rivojlantirish kabi ishlarni amalga oshirishda ishtirok etib kelmoqda.