TADQIQOT SOHALARI

• O‘zbek filologiyasi, pedagogika

SHAXSIY MA’LUMOTLAR

     Bozorova Gulruh Ravub qizi 1993-yilda Samarqand viloyati Narpay tumanida tug‘ilgan. O‘rta maktabni tugatgach, 2008–2011-yillarda Samarqand Shahar 1-son pedagogika kollejining Boshlang‘ich ta’lim yo‘nalishida tahsil olgan. 2013–2017-yillarda Samarqand davlat universitetining bakalavriat bosqichida, 2020-2022-yillarda esa magistratura bosqichida tahsil olgan. 2022-yildan buyon Samarqand davlat veterinariya meditsinasi, chorvachilik va biotexnologiyalar universiteti O‘zbek, rus tillari va adabiyoti kafedrasida o‘qituvchi lavozimida faoliyat yuritib kelmoqda. 2023-yilda mazkur universitetning mustaqil izlanuvchilik shakliga o‘qishga kirib, ilmiy faoliyatini davom ettirib kelmoqda.

Ilmiy-tadqiqot faoliyati davomida 20 ga yaqin ilmiy maqolalar, 1 ta uslubiy, 2 ta o‘quv qo‘llanma nashr ettirgan.

Ilm-fan taraqqiyotiga oid Xalqaro tanlovlarda, jumladan, Rossiya Federatsiyasining «Арт Птица» xalqaro ijodiy rivojlanish markazi tomonidan oʻtkazilgan «IV Всероссийский многожанровый творческий конкурс» tanlovida «Особенности преподавания драматических произведений» mavzusidagi ilmiy maqolasi bilan ishtirok etib, konkurs laureatlari qatorida 2-darajali diplomni qoʻlga kiritdi. Shuningdek, Oʻzbekiston-Fransiya xalqaro forumi doirasida tashkil etilgan “Yilning eng yaxshi ilmiy izlanuvchilari” nomli xalqaro ilmiy-amaliy koʻrik tanlovda ishtirok etib, sovrindorlar qatoridan oʻrin egalladi.

2024-yilda O‘zbekiston Respublikasi Qishloq xo‘jaligi vazirligining  tashakkurnomasi, universitet rektorining faxriy yorliqlari bilan taqdirlangan.