Samarqand davlat veterinariya meditsinasi, chorvachilik va biotexnologiyalar universiteti “Mikrobiologiya, virusologiya va immunologiya” va “Epizootologiya va infeksion kasalliklar” kafedralari bilan hamkorlikda professor Sh.T.Rasulov tavalludining 100 yilligiga bag‘ishlangan “Infeksion kasalliklar diagnostikasi va profilaktikasining dolzarb muammolari” mavzusida xalqaro ilmiy-amaliy konferensiyasi o‘tkazildi. Konferensiyada hozirgi kundagi hayvonlarda uchraydigan infeksion kasalliklar bo‘yicha dolzarb masalalarga bag‘ishlangan jahon va mahalliy olimlarning tajribalariga asoslangan ma’ruzalari tinglandi.Konferensiya universitetimiz rektori X.B.Yunusov kirish so‘zi hamda professor Sh.T.Rasulovning hayot yo‘li, ilmiy va rahbarlik faoliyati haqidagi ma’lumotlar bilan boshlanib, professorlar X.Salimov va B.Bakirovning Sh.T.Rasulov haqidagi “Ilmga baxshida umr” nomli qisqacha avtobiografik maruzalari bilan davom ettirildi.

Veterinariya fanlari doktori, professor Sobiq SSSR Oliy Attestatsiya Komissiyasining a’zosi, “Hurmat belgisi”, “Qizil Yulduz” ordenlari va ko‘plab medallar sohibi Shukur Tog‘ayevich Rasulov hayot bo‘lganlarida 100 yoshga to'lar edi. Shukur Tog‘ayevich Rasulov o‘z davrining yetuk olimi, fan fidoyisi, iqtidorli pedagogi, yoshlar murabbiyi, tadqiqotchi sifatida tanilgan edi. Veterinariya fanlari doktori, professor Sh.T.Rasulov 1922 yilda Samarqand viloyati Katta-qo‘rg‘on (hozirgi Nurobod) tumaniga qarashli “Jom” xo‘jaligida ishchi oilasida dunyoga kelgan. Yosh mutaxassisning ilmga, ilmiy izlanishlarga qizikuvchanligini va moyilligini, hamda talabalik davrida ilmiy-tadqiqot ishlariga faol qatnashganligini e’tiborga olib, institut rahbariyati yosh mutaxasisni epizootologiya kafedrasiga assistent lavozimiga, so‘ngra esa kafedra qoshidagi aspiranturaga qabul qildi. Tirishqoq, ilmga chanqoq olim tadqiqot va izlanishlar natijasida 1955 yilda “Buzoqlar paratif kasalligini profilaktikasi va davolash” mavzusida ilmiy ishlar olib borib natijasida shu kasallikka qarshi kvassli vaksina (emlama) yaratib, veterinariya fanlari nomzodi ilmiy darajasini olishga muvaffaq bo‘ldi. Ish faoliyati davomida institutning bir qancha rahbarlik lavozimlarida ishladi. Konferensiya ishi 2 ta sho‘balarga bo‘linib davom ettirildi.

Axborot xizmati