Мамлакатимиз тараққиётида янги, ўзига хос давр бошланди. Бу даврни умид билан Миллий юксалиш даври,  дейиш мумкин. Ўзгаришлар, янгиланишлар ҳар бир соҳада ўз нишоналарини кўрсатмоқда, шу ўринда олий таьлим тизимида амалга оширилаётган ислоҳотлар,  ижобий ўзгаришлар, янгиликлар ва қолаверса, интилишлар биз мутасаддиларни  янада  руҳлантириб янада юксак марраларни қўлга киритишга, ёшларимизни, илм олаётган  ўғил - қизларимизни  жаҳон талабларига мос етук мутахассис - кадрлар қилиб тарбиялашдек  муҳим вазифаларни зиммамизга юклайди.
Статистик маълумотларга кўра,  юртимизда  айни кунда 130 дан зиёд олий таълим муассасалари (26 та ҳорижий) фаолият юритаётган бўлса,  шуларнинг вилоятлар кесимида энг кўпи кўҳна ва қадим она шаҳримиз - Самарқандда жойлашган. Самарқанд ҳар доимгидек, илм – маърифат маркази бўлиб қолаверади.  Бугун мамлакатимизда  талаба – ёшларнинг умумий сони ярим миллиондан ортиқни ташкил қилади. Агар Талабаларни жамиятимизнинг энг илғор қатлами деб тан оладиган бўлсак, Сиз азиз ёшлар ана шундай муҳим шахслардан  бирисиз!
Юртимизнинг келажаги, ишонгани суянганисиз!
Сиз каби салоҳиятли Ёшлар Янги Ўзбекистоннинг эртанги кунини белгилайди.
Орангизда турли номдор давлат  стипендиялари соҳиблари, Республика танловлари ва олимпиадалари ғолиблари, жуда иқтидорли ва қобилиятли ёшлар кўпчиликни ташкил қилади.
Келажак учун орзуларингиз кўп!
Бунга мулоқотлар давомида кўп марта амин бўлганмиз!
Тўғри, муаммоларимиз ҳам бор, бусиз ҳаёт қизиқ бўлмайди! Аммо Сиздаги ирода кучи бу муаммоларни енгиб ўтишга ва катта марраларни забт этишга ёрдам  беради. Изланишлар албатта ўз самарасини беради.
Интилган киши, албатта ўз мақсадига етади!
Биз Устозлар орзуларингиз учун қанот бўлишга ва ҳамиша Сизни қўллаб - қувватлашга тайёрмиз!
Азиз Ёшлар! 
Барчангизга Халқаро Талабалар куни (International Students' Day) муборак бўлсин!
Ўқиб - ўрганишдан ҳечам толманг! Зеро, билим барча "қулфларнинг калитидир".
Бу калит қўлингизда бўлса, Сизни ҳеч ким енголмайди!

Ҳурмат билан,
Худайназар Юнусов
Биология фанлари доктори, профессор
Ўзбекистон Республикасида хизмат кўрсатган чорвадор,
СамДВМЧБУ ректори